বৰ্তমান সমগ্ৰ বিশ্বত মুছলমানৰ ওপৰত যি ধৰণৰ নিৰ্যাতন চলি আছে তাৰ কাৰণ কি ? আৰু এই ক্ষেত্ৰত আমাৰ কৰণীয় কি ?

প্ৰশ্নঃ - বৰ্তমান সমগ্ৰ বিশ্বত মুছলমানৰ ওপৰত যি ধৰণৰ নিৰ্যাতন চলি আছে তাৰ কাৰণ কি ? আৰু এই ক্ষেত্ৰত আমাৰ কৰণীয় কি ?

উত্তৰঃ- প্ৰথম কথা এইটো মুছলমানৰ কৃতকৰ্মৰ ফল  ।

আল্লাহে কৈছে  "তোমালোকলৈ যি বিপদ আপদ আহে সেয়া তোমালোকৰ কৃতকৰ্মৰ ফল" (ছুৰা ৪২ আয়াত ৩০)

দ্বিতীয়তে দলে দলে বিভক্ত হোৱা ।

আল্লাহে কৈছেঃ "তোমালোক আল্লাহ আৰু ৰছুলৰ আনুগত্য কৰা আৰু পৰস্পৰে কাজিয়াত লিপ্ত নহাবা,নহলে তোমালোকৰ মাজত দুৰ্বলতাৰ সৃষ্টি হব  । আৰু তোমালোকৰ শক্তি-সামৰ্থ নোহোৱা হব" । (ছুৰা আনফাল,আয়াত ৪৬)

তৃতীয়তেঃ মুমিন বান্দাৰ ওপৰত আহা বিপদ আপদ পৰীক্ষা স্বৰুপ ।

আল্লাহে কৈছে "নিশ্চয় আমি তোমালোকক ভয়,ভোক,জান-মালৰ ক্ষতি ,ফল-শস্যাদি বিনষ্ট কৰি পৰীক্ষা কৰিম আৰু সেই ধৰ্যশীল সকলক সু খবৰ দিয়া । (ছুৰা বাকাৰা,আয়াত ১৫৫)

চতুৰ্থতেঃ আমৰ বিল মাৰূফ অৰ্থাত সত কামৰ আদেশ আৰু ওৱা নাহী আনিল মুনকাৰ অৰ্থাত অসত কামৰ নিশেধ কৰা । আৰু ইয়াৰ দায়িত্বৰ পৰা বিৰত থাকা । ৰছুলুল্লাহ (ছঃ) য়ে কৈছে "মানুহে যেতিয়া কাৰোবাক বেয়া ৰাস্তাত দেখে আৰু তাক বাধা নিদিয়ে তেতিয়া আল্লাহে সিহতক ব্যাপক গজবৰ দ্বাৰা শাস্তি দিয়ে" ।

মুছলমানে সিহতৰ এই দায়িত্ব যেন পাহৰি গৈছে । ফলত আল্লাহৰ ব্যাপক গজব  লাভ কৰিছে ।

গতিকে মুছলমানৰ ওপৰত সকলো নিৰ্যাতনৰ মুল কাৰণ হৈছে (কোৰআন আৰু হাদিছৰ)ৰ পৰা বহুত দুৰত থকা । এই ক্ষেত্ৰত মুছলমানৰ একমাত্ৰ কৰণীয় হল কোৰআন আৰু হাদিছৰ ফালে প্ৰত্যাবৰ্তন কৰা আৰু তাৰ আলোকত ঐক্যবদ্ধ মুছলিম সমাজ গড়ি তোলা  ।